Camisetas JRT

O de facernos unhas camisetas para o equipo é unha idea que vén de fai tempo e agora que estamos chegando a poder ter algo que tirar por unha costa abaixo pois as altas instancias do equipo parece que queren levalo a cabo.
Creei uns deseños baseándome no logo do equipo. Creo que a idea era poñer o rodamiento da cabeceira do blog e o nome co número ademais do logo. Hai que ter en conta que cantas mais cousas engadamos mais caras van ser.
A min particularmente gústame co logo no peito e o nome nas costas, sen numero, simple e bonita. 
O rodamiento non sei moi ben onde situalo, é un pouco complicado, pasoume o mesmo coa cabeceira do blog e aínda non acaba de convencerme.
Como alternativa ao nome nas costas, tambien se pode poñer o nome nunha das mangas, así é mais discreto.


Aí van algunhas ideas.
Podedes comentar ou suxerir o que estimedes oportuno no apartado de comentarios que ten a entrada.

Xa vai tomando forma

Continuamos avanzando aos poucos pero isto xa vai tomando forma. Esta vez puxémonos coa columna de dirección e xa está colocada, tamén temos as barras de dirección e as plaquetas. As pezas craves do proxecto nas que se colocarán os rodamentos continúan coa súa evolución e xa case están rematadas.

Por outra banda comezou a súa andaina o "Proxecto B" do equipo aínda que disto non podo comentar demasiado porque non se me dá ningunha información e cada vez que pregunto dánseme longas. Só sei o que vou vendo e lamentablemente de momento non hai fotos o que demostra o nivel de segredismo co que se traballa neste proxecto. Como non podía ser doutra forma este proxecto tamén deixou unha víctima, esta vez tocoulle a unha caladora.

Rut's new stage

Logo dun tempo sen publicacións, continúo co desenrolo deste blog.
Neste tempo traballamos máis que nunca e aínda que a primeira ollada non pareza que se avanzou moito, á dirección pouco lle falta e con isto a metade está feito, o demais irá rodado.

Neste tempo vimos de sufrir un novo traslado, esta vez a casa de Rut. Os motivos deste cambio son similares ao anterior, a pouca dispoñibilidade e o pouco interese do anfitrión.
Este traslado limítanos un pouco en canto aos medios físicos pero abrenos unha gran posibilidade en canto a horarios. 
Traballamos sabados por suposto, luns e se non recordo mal, creo que algún Domingo (confirmade isto membros do equipo). Se que había xente que dicía que non nos daría tempo, o mesmo tempo daranos a razón.
Con este cambio de sede non só se emendou o problema do abastecemento líquido aos membros do equipo senón que se superou xa que tamén dispomos dalgunha que outra cousa que comer. Ultimamente tamén estamos estámonos animando a cear xuntos os sábados ó terminar e é unha moi boa costume.

Volvamos ao importante. O que estamos finiquitando son as pezas nas que se montarán os rodamientos e a dirección, sobre estas pezas poñerei algunha foto en detalle cando estean rematadas porque unha peza de enxeñería de tal calibre perferctamente poderiámola ver no MP4-26 do gran Lewis Hamilton.
Tamen temos xa a columna de dirección e o seu soporte e o triángulo de dirección.

Estes días asistimos ao descenso de carrilanas de Mos, e isto fíxonos reformularnos seriamente o sistema de freos e se será necesario alixeirar un pouco un mounstruo que con todos os ocupantes encima pode chegar ata 500 Kg  de peso e iso non vai haber forma de paralo.

	Cada peza confeccionada debe pasar un riguroso control de calidade en base a test adaptativos informatizados.

Bye-bye Chispa... e rebarbadora tamen

Esta entrada pertence ao último día na casa de Jose. Non me apetece escribir moito así que será breve.
Mención especial merece a traballadora que contratamos por horas pero que como nos saía moi cara só estivo 15 minutos.
Algo fixemos pero pouco e como sempre traballamos sobre as pezas que que comporán a dirección.
A todo isto e despois de varios intentos , sempre involuntariamente iso si, Fran conseguíu queimar literalmente unha rebarbadora. Tiña que pasar.

	Flashman tamén está no equipo pero como se move tan rápido case nunca sae nas fotos.
	En calqueira momento pode comezar a sair fume
Detalle do corte realizado	Este fume non é nada comparado co que saíu por ahí
Sangue, suor e bágoas
	Que bonita es Chispa

Continúa o traballo

Durante estes días estivemos recopilando algún material necesario, o máis importante era conseguir unhas boas chapas para o chan do bólido cósmico.
Un par de excursións nocturnas foron suficientes para localizar e recoller o material.
Ao final duas chapas, que ademais parecen perfectas para o que necesitabamos e uns tubos que tabién terán a súa utilidade.
As chapas pesaban mais do esperado (sobre 140Kg),aínda hoxe preguntámonos Fran e eu como conseguimos levantalas con tanta facilidade no momento da "obtención".
Ó final quitamos todo o referente a antiga dirección e repasáronse as soldaduras do chasis, todo iso si, con materiais de última tecnoloxía.

Ésta é unha das chapas	Cortando...
Soportes para o chasis jajaja	Inda que poidan aparecer moitas cervexas por ahí en diferentes fotos, é casualidade porque a verdade é que estamos pasando sede.
Quitando a antiga dirección	Agora a soldar, pero empregando só o último en materiais, non escatimamos en gastos